Gu nor garen
Ekida - Manifestua
Geure izenean hitz egiten dugu
pluralean hitz egiten dugu
Ez garelako inoren izenean ari
Geuk hitz egiten diegulako geure buruei
Aztoratuta galdetzen diguzu
Nor ostia ote den gu hori
Gu nor garen galdetzen diguzu
Gezurraren garaira jaiotako jendea
Ziurgabetasunaren sinonimo den etorkizuna
Salgai jarri genituen patrikako zuloak
Elkarren antza daukagun milioika bakardade
Kaleetan eta plazetan elkar irakurtzen dugunak
Helduleku bila altxatzen den eskua
«Saiatu eta lortuko duzu» eta ez lortzea
Gezurraren garaira jaiotako jendea
Elkarren antza daukagun milioika bakardade
Sinetsarazi nahi zigutena hiltzen duen ideia
Geure izenean hitz egiten dugu
pluralean hitz egiten dugu
Geuk hitz egiten diegulako geure buruei
Eta oraindik harritu egiten zara
Eta oraindik galdetzen diguzu nor garen gu
Ez gara soilik orain garena
Ez gara soilik orain garena
Ez gara soilik orain garena
Langile-saldoak nagusiaren etxerantz korrika
Kontsigna bat iraultzaren gauzapenerako
15.000 pertsona obra bat antzezten
Etsaiaren krudelkeria atergabea
Oihal gorri bat hilkutxa baten gainean
Iraultza fusilatuaren semeak
Berriz abiatzen direnak urduri
Zaldi-samalda baten trostan
Asmorik eta zaharrena berritzera
Eta oraindik galdetzen diguzu
Ez gara orain garena soilik
Noizbait izan gaitezkeena baizik
Noizbait izan gaitezkeena baizik
Noizbait izan gaitezkeen guztia
Ahots bat tintaz oihukatzen:
Geure izenean hitz egiten dugu
pluralean hitz egiten dugu
Geuk hitz egiten diegulako geure buruei
Geuk sortu nahi ditugulako geure buruak
Mezu bat daukagu eta airean darabilgu
Ez daukagu gauza handirik
Eta asko da eskatzen duguna
Eta ez gara galtzeko beldur
Ez gara irabazteko beldur
Izan diren porrot guztiak baitaramatzagu gurekin
Eta gurekin baitaramagu garaipenaren eguna ere
Geure izenean hitz egiten dugu
Gu nor garen galdetzen diguzu
Kanta berri bat gara haizatzean
Bost hatz beste bost hatzi bilduta
Atzo gara eta gaur eta bihar
Asmorik zaharrena berritzera abiatu garenak
Mundu berria gara eraikuntzan
Eta manifestu bat da gure ekintza bakoitza