Ekida - Manifestua
Kantatzearren ez naiz kantuz
Ez boz ona dudalako
Kantuz naiz nire ahotsak
Arrazoia daukalako
Lur-bihotza dauka eta
Uso-antzeko hegalak
Ahotsak urak bezala
Garbitzen pozak eta penak
Hauxe da nire kantua
Violetaren antzekoa
Hauxe langile-ahotsa
Udaberri-usainekoa
Ez da aberats-ahotsa
Ez bateko ez besteko
Aldamioetakoa da
Handik izarrei heltzeko
Kantuak badu zentzurik
Borborka ari denean
Egia argi kantatzen
Hilko denaren zainetan
Ez axaleko lausengurik
Ez ospea eskaintzean
Lanaren ahotsa baizik
Lurraren barrunbeetan
Dena iristen den eta
Dena hasten den tokia
Ausarta den kantu hori
Beti da kantu berria.